All posts by josephmcbs

അന്ത്യകൂദാശകള്‍ കൈക്കൊള്ളുന്നതിനുള്ള ഭാഗ്യം കിട്ടുവാന്‍ ജപം

നമ്മള്‍ ചെയ്തിരിക്കുന്ന സകല പാപങ്ങളുടെയും പൊറുതിക്കും എല്ലാ ആത്മാക്കളെയും ശുദ്ധമാക്കുന്നതിനും കുമ്പസാരമെന്ന വിശുദ്ധ കൂദാശയേ സ്ഥാപിപ്പാന്‍ തിരുമനസ്സായ സര്‍വ്വേശ്വരാ ഞങ്ങള്‍ മരണാവസ്ഥയിലാകുമ്പോള്‍ നല്ല കുംബസാരം കഴിച്ചു പാപങ്ങളുടെ പൊറുതി കൈക്കൊള്ളുന്നതിന് അനുഗ്രഹം ചെയ്തരുളണമേ.
1.സ്വര്‍ഗ്ഗ,1നന്മ.

രോഗികള്‍ക്ക് ആശ്വാസവും ഉറപ്പും സഹായവും ഉണ്ടാകുന്നതിനായിട്ടു അന്ത്യകൂദാശയേ സ്ഥാപിപ്പാന്‍ തീരുമാനസായ സര്‍വ്വേശ്വരാ ഞങ്ങള്‍ വ്യാധിയില്‍ വീണു മരണാവസ്ഥയില്‍ അകപ്പെടുബോള്‍ ഞങ്ങളെ അനുഗ്രഹിച്ചു ഞങ്ങള്‍ തക്ക ആയത്തത്തോടുകൂടെ അന്ത്യകൂദാശ കൈക്കൊള്ളുന്നതിന് കൃപചെയ്തരുളണമേ.
1.സ്വര്‍ഗ്ഗ,1നന്മ.

മരണസമയത്ത് ഞങ്ങളുടെ സംബന്ധക്കാര്‍ സ്നേഹിതര്‍ മുതലായ സകലരും ഞങ്ങള്‍ക്കു സഹായം ചെയ്യാന്‍ കഴിയാതെ ഞങ്ങളെ കൈവിട്ടകലുമ്പോള്‍ അങ്ങ് വി.കുര്‍ബാനയില്‍ സത്യമായി എഴുന്നള്ളിവന്നു ഞങ്ങള്‍ക്ക് ഭോജനമായിട്ടും തുണയായിട്ടും ഇരിപ്പാന്‍ തിരുമനസ്സാകണമെ,സങ്കടത്താല്‍ വലഞ്ഞു പരീക്ഷയാല്‍ കലങ്ങി മനുഷ്യസഹായമില്ലാതെ കിടക്കുന്ന നേരത്ത് അങ്ങ് ഞങ്ങളുടെ സകല പാപങ്ങളെയും പൊറുത്തു മരിക്കുന്ന ഞങ്ങള്‍ക്ക് ആശ്രയമായിട്ടും രക്ഷയായിട്ടും നിത്യഭാഗ്യത്തിന്റെ അച്ചാരമായിട്ടും വി.കുര്‍ബാനയെ ഭയഭക്തിവണക്കത്തോടുകൂടി ഉള്‍ക്കൊള്ളുന്നതിന് കൃപചെയ്തരുളണമേ.
1.സ്വര്‍ഗ്ഗ,1നന്മ.

Advertisements

അത്ഭു­ത പ്രാര്‍ത്ഥ­ന

കര്‍­ത്താവാ­യ യേ­ശു­വേ­, കു­രി­ശു വ­ഹി­ച്ചു­കൊ­ണ്ടു­ള്ള അ­ങ്ങേ യാ­ത്രയില്‍ അ­ങ്ങ് ഏ­റ്റവും വേ­ദ­ന അ­നു­ഭ­വിച്ച­ത് തി­രു­ത്തോ­ളി­ലെ മു­റിവില്‍ നി­ന്നാ­യി­രു­ന്ന­ല്ലോ. ആ മു­റി­വി­ന്റെ ശ്രേ­ഷ്ഠ­ത­യാലും യോ­ഗ്യ­ത­യാലും ”നീ ചോ­ദി­ക്കു­ന്ന­തെന്തും സ­ഫ­ല­മാ­യി തീ­രും” എ­ന്ന് വി. ബര്‍­ണ്ണാര്‍­ദി­നേ­ാ­ട് അ­ങ്ങ് പ­റ­ഞ്ഞി­ട്ടു­ണ്ട­ല്ലോ. വാ­ഗ്­ദാ­ന­ങ്ങളില്‍ അ­ങ്ങ് വി­ശ്വ­സ്­ത­നാ­ണെ­ന്ന് ഞാന്‍ ഉറ­ച്ചു വി­ശ്വ­സി­ക്കുന്നു. ആ­രാലും അ­റി­യ­പ്പെ­ടാ­ത്ത ആ തി­രു­ത്തോ­ളി­ലെ മു­റി­വി­നെ വ­ണ­ങ്ങു­കയും ആ­രാ­ധി­ക്കു­കയും ചെ­യ്യു­ന്ന­വ­രു­ടെ ല­ഘു­ പാപ­ങ്ങള്‍ പൂര്‍­ണ്ണ­മായും ക്ഷ­മി­ക്ക­പ്പെ­ടു­കയും മാ­ര­ക പാപ­ങ്ങള്‍ മ­റ­ന്നു­ക­ള­യു­കയും ചെ­യ്യു­മെ­ന്ന് അ­വി­ടു­ന്ന പ­റ­ഞ്ഞി­ട്ടു­ണ്ട­ല്ലോ. ആ വാ­ക്ക് അ­നു­സ­രി­ച്ച് ഞാന്‍ ചോ­ദി­ക്കു­ന്ന എ­ന്റെ ഈ കാര്യം (നി­യോ­ഗം പ­റ­യു­ക) അ­ങ്ങേ­യ്­ക്ക് ഇ­ഷ്ട­മു­ണ്ടെങ്കില്‍ സാ­ധി­ച്ചു­ത­ര­ണ­മെ­ന്ന് ഞാന്‍ ഏ­റ്റവും താ­ഴ്­മ­യാ­യി അ­പേ­ക്ഷി­ക്കുന്നു. അ­ങ്ങ് ഇ­ന്നുവ­രെ എ­നി­ക്ക് ത­ന്ന എല്ലാ അ­നു­ഗ്ര­ഹ­ങ്ങള്‍ക്കും പ്ര­പ­ഞ്ച­ത്തി­ലു­ള്ള ത­ന്മാ­ത്ര­ക­ളു­ടെ എ­ണ്ണ­ത്തോ­ളം ഞാന്‍ ന­ന്ദിയും സ്­തു­തിയും പ­റ­യുന്നു.

മാതാവിനോടുള്ള സംരക്ഷണ പ്രാര്ത്ഥന ദൈവമാതാവായ പരിശുദ്ധ കന്യാമറിയമേ, മനുഷ്യകുലം മുഴുവന്‍റെയും മാതാവും മദ്ധ്യസ്ഥയും സഹായവും സംരക്ഷകയുമാകുവാന്‍ ദൈവം മുന്‍കൂട്ടി തിരഞ്ഞെടുത്തിരിക്കുന്ന അങ്ങയെ ഞങ്ങള്‍ വണങ്ങുന്നു. ഞങ്ങളുടെകുടുംബത്തിന്‍റെ മാതാവും സംരക്ഷകയുമായി ഇന്ന് ഞങ്ങള്‍ അങ്ങയെ സ്വീകരിക്കുന്നു. അമ്മേ, അങ്ങയുടെ ശക്തമായ സംരക്ഷണത്താല്‍ ആത്മീയവും ശാരീരികവുമായ എല്ലാ ആപത്തുകളില്‍ നിന്നും പ്രത്യേകിച്ച് പൈശാചിക ശക്തികളുടെ ഉപദ്രവങ്ങള്‍, അന്ഗ്നിബാധ, ജലപ്രളയം, ഇടിമിന്നല്‍, കൊടുങ്കാറ്റ്, ഭൂമികുലുക്കം, വാഹനാപകടങ്ങള്‍ എന്നിവയില്‍നിന്നും, കള്ളന്മാര്‍, അക്രമികള്‍ എന്നിവരില്‍നിന്നും […]

via Prayer of Protection to Mary in Malayalam — Nelson MCBS

ക്രിസ്തുമസ് നീയാണ് – ഫ്രാന്‍സിസ് പാപ്പ

Nelson MCBS

Pope Francis at Christmas Eve

ക്രിസ്തുമസ് നീയാണ്, ഓരോ ദിനവും വീണ്ടും ജനിക്കാന്‍ നീ തീരുമാനിക്കുമ്പോള്‍.

ക്രിസ്തുമസ് മരം നീയാണ്, ജീവിതത്തിലെ കൊടുങ്കാറ്റുകളെ നി ചെറുക്കുമ്പോള്‍.

ക്രിസ്തുമസ് അലങ്കാരം നീയാണ്, സ്വന്തം നന്മകള്‍ നിന്‍റെ ജീവിതത്തെ വര്‍ണാഭമാക്കുമ്പോള്‍.

ക്രിസ്തുമസ് മണിമുഴക്കം നീയാണ്, സര്‍വരേയും വിളിച്ചു കൂട്ടി നീ ഒന്നിപ്പിക്കുമ്പോള്‍.

ക്രിസ്തുമസ് വിളക്ക് നീയാണ്, നിന്‍റെ അനുകമ്പയും ക്ഷമയും ഔദാര്യവും കൊണ്ടു മറ്റുള്ളവരുടെ ജീവിതങ്ങളെ നീ പ്രകാശഭരിതമാക്കുമ്പോള്‍.

ക്രിസ്തുമസ് മാലാഖ നീയാണ്, സമാധാനത്തിന്‍റെയും നീതിയുടെയും സ്നേഹത്തിന്‍റെയും സന്ദേശം ലോകത്തിനു നീ പാടിക്കൊടുക്കുമ്പോള്‍.

ക്രിസ്തുമസ് നക്ഷത്രം നീയാണ്, മറ്റൊരാള്‍ക്കു ദൈവത്തിങ്കലേയ്ക്കു നീ വഴി കാട്ടുമ്പോള്‍.

ക്രിസ്തുമസ് സമ്മാനം നീയാണ്, ഓരോ മനുഷ്യനും നീ ആത്മാര്‍ത്ഥ മിത്രവും സഹോദരനുമാകുമ്പോള്‍.

ക്രിസ്തുമസ് കാര്‍ഡ് നീയാണ്, കരുണ നിന്‍റെ കരങ്ങളില്‍ എഴുതിച്ചേര്‍ക്കപ്പെടുമ്പോള്‍.

ക്രിസ്തുമസ്  ആശംസ നീയാണ്, സഹിക്കുമ്പോള്‍ പോലും നീ ക്ഷമിക്കുകയും സമാധാനം പുനസ്ഥാപിക്കുകയും ചെയ്യുമ്പോള്‍.

ക്രിസ്തുമസ് വിരുന്ന് നീയാണ്, നിന്‍റെ ചാരേയുള്ള പാവപ്പെട്ടവര്‍ക്കു നീ ആഹാരം കൊടുക്കുമ്പോള്‍.

ക്രിസ്തുമസ് രാത്രിയും നീയാണ്, രാത്രിയുടെ നിശബ്ദതയില്‍ ശബ്ദഘോഷങ്ങളില്ലാതെ രക്ഷകനെ നീ സ്വീകരിക്കുമ്പോള്‍.

നിനക്കുള്ളില്‍ ദൈവരാജ്യം സ്ഥാപിക്കുന്ന നിത്യമായ ക്രിസ്തുമസ്സിന്‍റെ ആന്തരിക സമാധാനത്തില്‍, നീ ആര്‍ദ്രതയുടെയും വിശ്വാസത്തിന്‍റെയും ഒരു പുഞ്ചിരിയാണ്,
നീ ക്രിസ്മസാണ്.

ക്രിസ്തുമസ്  സമാനരായ എല്ലാവര്‍ക്കും
ക്രിസ്തുമസ് ആശംസകള്‍.

(ഫ്രാന്‍സിസ് പാപ്പായുടെ ക്രിസ്തുമസ് വിചിന്തനം)

View original post